ក្រុមសមាជិកព្រឹទ្ធសភាប្រចាំភូមិភាគទី២ ផ្តល់ឧបករណ៍តេស្តរហ័សកូវីដ-១៩ ចំនួន១៨៩ប្រអប់តូច ជូនដល់មន្ទីរពេទ្យបង្អែកស្រុកក្រូចឆ្មារ
នាព្រឹកថ្ងៃទី២៧ ខែមិថុនា ឆ្នាំ២០២៣ ក្រុមសមាជិកព្រឹទ្ធសភាប្រចាំភូមិភាគទី២ ដឹកនាំដោយឯកឧត្តម ឆាយ វណ្ណា លេខាធិការក្រុម បានអញ្ជើញនាំយកឧបករណ៍តេស្តរហ័សកូវីដ-១៩ ចំនួន១៨៩ប្រអប់តូច ផ្តល់ជូនដល់មន្ទីរពេទ្យបង្អែកស្រុកក្រូចឆ្មារ ខេត្តត្បូងឃ្មុំ ។
ជាមួយគ្នានេះ ឯកឧត្តម បានជំរុញបន្តការយកចិត្តទុកដាក់ប្រតិបត្តិឱ្យបានភ្ជាប់ខ្ជួននូវវិធានការសុខាភិបាលនានា ព្រមទាំងមានការប្រុងប្រយ័ត្នឱ្យបានខ្ពស់ចំពោះការរស់នៅជាមួយនឹងជំងឺកូវីដ និងបន្តចូលរួមជាមួយនឹងរាជរដ្ឋាភិបាលក្នុងការចាក់ថ្នាំបង្ការជំងឺកូវីដ-១៩ឲ្យបានគ្រប់ៗគ្នា៕
ប្រភព៖នាយកដ្ឋានព័ត៌មាន
